Andlitsmeðferð
Hver meðferð er einstök alveg eins og þú. Allar meðferðir miðast við þínar þarfir og þess vegna er engin andlitsmeðferð eins.
Létt andlitsmeðferð
Létt andlitsmeðferð tekur stuttan tíma en skilar húð og sál endurnærðri. Meðferðin inniheldur yfirborðshreinsun, létt nudd og maska. Endað er á viðeigandi augnkremi, serumi og andlitskremi.
Andlitsmeðferð
Andlitsmeðferð þar sem leitast er eftir að koma á jafnvægi, veita vellíðan og fullkomna slökun. Valin er andlitsmeðferð sem hentar þinni húð. Húðin er yfirborðshreinsuð og djúphreinsuð, veitt er gott nudd á höfuð, herðar og andlit sem endar á maska. Meðferðinni lýkur með viðeigandi augnkremi, serumi og andlitskremi.
Húðhreinsun
Húðin yfirborðshreinsuð og djúphreinsuð. Unnið á bólum og fílapenslum og endað á maska og kremi sem hentar. Í meðferðinni eru húðvörur notaðar sem eru sérstaklega gerðar fyrir bólótta og vandamálahúð.
Lúxus andlitsmeðferð með hreinsun
Andlitsmeðferð þar sem húðin fær góða hreinsun ásamt nuddi. Meðferðin byrjar á yfirborðshreinsun og djúphreinsun húðar. Eftir hreinsun er nudd fyrir herðar, háls, andlit og höfuð. Viðeigandi maski er notaður og hendur nuddaðar. Meðferðin lýkur á augnkremi, serumi og andlitskremi.
Hendur og fætur
Í daglegu amstri mæðir mikið á höndum og fótum. Við viljum að hugsað sé vel um húðina, sama hvar á líkamanum hún er.
Handsnyrting
Í handsnyrtingu notar snyrtifræðingur aðferðir til að viðhalda fallegri húð, nöglum og naglaböndum. Neglur eru þjalaðar og naglabönd eru snyrt. Hendur eru nuddaðar með nærandi kremi. Ef óskað er eftir lökkun á neglur tekur það 15 mínútur í viðbót.
Fótsnyrting
Þjónusta er veitt til að viðhalda og snyrta, neglur og naglabönd. Hörð húð er mýkt og fætur nuddaðir með nærandi fótakremi. Ef óskað er eftir lökkun á neglur tekur það 15 mínútur í viðbót.
Fótaaðgerð
Fótaaðgerðafræðingur meðhöndlar fætur og fótamein. Neglur eru klipptar og lagaðar til, hörð húð fjarlægð, unnið er á fótameinum og veitt fagleg ráðgjöf. Meðferð líkur á slakandi nuddi með nærandi fótakremi. Ef óskað er eftir lökkun á neglur tekur það 15 mínútur í viðbót. Fótaaðgerð er líka fyrirbyggjandi og því eru allir velkomnir hvort sem um fótavandamál er að ræða eða ekki. Algeng vandamál eru: líkþorn, vörtur, sprungur, mikið sigg og inngrónar neglur.
Litun og plokkun
Litun augnhára og augabrúna er mögulegt að fá saman eða sitt í hvoru lagi. Snyrting augabrúna er framkvæmd með plokkun eða vaxmeðferð.
Vaxmeðferðir
Vaxmeðferðir bæði fyrir andlit og líkama. Tími meðferðar er einstaklingsbundinn og ræðst af hárvexti. Notast er við hefðbundið vax eða náttúrulegu aðferðina sugaring sem inniheldur sykur, vatn og sítrónu.